|| श्री गणेशदत्तगुरुभ्यो नमः ||


आपली भाषा निवडा: घरपोच ग्रंथसेवा


श्री गुरुपरंपरा स्तोत्र



शिवं ज्ञानोपदेष्टारं विष्णूं धर्मोपदेशकं ।
विधिं वेदप्रवक्तारं गुरुमूर्तित्रयं भजे ।।१।।

वसिष्ठं ब्रह्मविद्श्रेष्ठं शक्तिं योगविदां वरं ।
पराशरं पुराणज्ञं प्रणतोsस्मि मुनित्रयम् ।।२।।

व्यासं वेदान्तसूत्राणां वक्तारं बादरायणं ।
श्रीशुकं सूत्रकारं च भजे वेदान्तदेशिकम् ।।३।।

श्रीमद्गौडपादाचार्यम् अद्वैतार्थप्रबोधकं ।
गोविन्दभगवत्पादम् अद्वैताचार्यमाश्रये ।।४।।

अद्वैतस्थापनाचार्यं शंकरं लोकसद्गुरुम् ।
प्रस्थानत्रयभाष्यादिग्रन्थकारं नमाम्यहम् ।।५।।

आद्य: श्रीशंकराचार्य: विश्वरुपतथापरः ।
ज्ञानबोधगिर्याख्य: सिद्धरुपश्चतुर्थक: ।।६।।

ईश्वरो नरसिंहश्च विद्यातीर्थश्च सप्तमः ।
शिवतीर्थो भारती च विद्यारण्ये दशापरे ।।७।।

विद्यातीर्थो गुरुतमो मलयानन्द एव च ।
देवतीर्थो गुरुश्चात्र सरस्वतीविशारदः ।।८।।

सरस्वती यादवेन्द्रो तथा कृष्णसरस्वती ।
ततः परंपराप्राप्तो श्रीमन्नरसिंहसरस्वती ।।९।।

एतान् शंकरपीठस्थान् नमस्यामो वयं मुदा ।
प्रयच्छन्तु सदास्माकं आयुःप्रज्ञायशोबलं ।।१०।।

इति श्रीनसिंहसरस्वतीगुरुपरम्परास्तोत्रं संपूर्णम् ।

स्तोत्रमिदं संपूर्णं, न तु पूर्णा खलु परंपरा ।
वर्धते नगरे सैव, श्रीरामकृष्णतपोबलात् ।। १।।

श्रीमन्नरसिंहसरस्वती-कृपांकिताय क्षीरसागर- कुलभूषणाय श्रीःशाय ।
वेदविग्रहाय, श्रीदत्तरूपमुनीश्वराय,भक्तवत्सलाय, श्रीगुरुदेवाय नमोनमः ।।२।।


।। श्री गुरुदेव दत्त ।।